Inter Press Service News Agency
Friday, October 31, 2014   14:17 GMT    
   Homepage
   World Service
   East Africa
   Southern Africa
   West Africa
   Central Africa
 
   Environment
   Health-HIV/AIDS
   Education
   Rights
   Politics
   Economics
   and Finance
   Development
   Energy
   Population
   Culture
 
   Radio Service
 
   Français
 
   About IPS
 
   ENGLISH
   ESPAÑOL
   FRANÇAIS
   ARABIC
   DEUTSCH
   ITALIANO
   JAPANESE
   NEDERLANDS
   PORTUGUÊS
   SUOMI
   SVENSKA
   SWAHILI
   TÜRKÇE
PrintSend to a friend
Readers Opinions


Mashaka Juu ya Wajibu wa Makampuni ya Biashara Katika Mazungungunzo ya Mabadiliko ya Tabia Nchi
Na Mantoe Phakathi

WARSAW, Jan 13, 2014 (IPS) - Wakati maazimio yakizidi kutolewa katika Mkutano wa Umoja wa Mataifa wa Mabdiliko ya Tabia Nchi wa 19 mjini Warsaw, waendesha majadiliano kutoka upande wa Kusini wa Dunia wanakaribisha lengo la ufadhili wa kukabiliana na mabadiliko hayo – lakini wanakataa msisitizo mpya wa jukumu la sekta binafsi.

Waendesha majadiliano ya mabadiliko ya tabia nchi wameburuza miguu yao sasa kwa karibu miaka 20. Mazungumzo ya makubaliano ambayo ni ya "usawa, yenye kuona mbali na yanayofunga kisheria" kupunguza uzalishaji wa hewa chafu ambazo zinasababisha kuongezeka kwa joto duniani yanaonekana kufifia, na hivyo nafasi yake kuchukuliwa na mapendekezo ya kugeukia sekta binafsi kutoa mikopo na uwekezaji katika kusaidia kazi za kukabiliana na mabadiliko katika kile ambacho kimejulikana kama "Corporate COP".

Tosi Mpamu-Mpamu, Mwendesha majadiliano kutoka Jamhuri ya Kidemokrasia ya Kongo na mwenyekiti wa zamani wa Kambi ya Wanamjadala wa Afrika, anaona hali kama yenye mabadiliko ya kushangaza katika mfumo wa kufadhili masuala ya mabadiliko ya tabia nchi.

Katika mkutano wa Copenhagen wa mabadiliko ya tabia nchi mwaka 2009, mataifa yenye maendeleo makubwa yaliahidi dola bilioni 30 kama msaada mpya wa kifedha kwa mataifa yanayoendelea kati ya mwaka 2010 na 2012, halafu dola nyingine bilioni 100 ifikapo mwaka 2020. "Nchi zenye maendeleo makubwa kwa sasa zinahamisha wajibu wake kwa ajili ya kutoa fedha kwa sekta binafsi, mwelekeo ambao unaonekana ni hatari katika mazungumzo haya," alisema Mpamu-Mpamu. Waendesha mazungumzo wengine wanaunga mkono mashaka yanayoonyeshwa na Mpamu-Mpamu juu ya jukumu la makampuni ya kibiashara ya kimataifa ambayo wanapewa juu ya mkutano huu. "Katika mkutano wa siku tatu kabla ya COP hii, wafanyabiashara walitumia siku mbili wakielezea jinsi gani wangeweza kutengeneza fedha za mabadiliko ya tabia nchi," alisema Rene Orellana, mkuu wa ujumbe kutoka Bolivia katika mkutano huo. Na alisema Pascone Sabido kutoka Waangalizi wa Makampuni ya Biashara kutoka Ulaya kwenye mkutano huo, makampuni ya biashara yanayoonekana kuwa na umaarufu katika COP pia yanaongoza katika uzalishaji wa gesi ukaa. Ameukosoa Umoja wa Mataida kwa kukubali ufadhili wa mkutano wa COP19 kutoka kwa wachafuzi wakubwa wa hali ya hewa kama kampuni kubwa ya chuma ya ArcelorMittal na kampuni ya nishati ya Polish Energy Group (PGE), na kusema makampuni haya yanaleta ushawishi katika mazungumzo. "Msingeweza kukaribisha kampuni ya Marlboro kufadhili mkutano wa kilele juu ya kansa ya mapafu, sasa ni kwa nini inakubalika katika mkutano wa tabia nchi wa Umoja wa Mataifa?" alisema. Rachel Tansey, mwandishi na mtafiti wa kujitegemea kuhusu mazingira na masuala ya haki ya kiuchumi, anasema wafanyabiashara wakubwa wanataka kuona mabadiliko ya tabia nchi yanapata ufadhili– fedha za umma – zinaelekezwa moja kwa moja kwenye miradi ambayo makampuni makubwa ya kibiashara yanaweza kufaidika nayo. Na serikali za mataifa yaliyoendelea zinasikiliza. "Kampuni kubwa ya usafiri na nishati ya Alstom inatetea kile kinachojulikana kama makaa ya mawe "safi", teknolojia yenye utata ambayo inawaruhusu kuchangia katika kuendelea kufaidika kutokana na kutumia nishati inayochafua anga, kama ile ya kunyonya gesi ukaa na kuihifadhi na matumizi makubwa ya nishati ya nyuklia," alisema Tansey. Lakini rais wa COP19 Marcin Kolorec alisema hakuna ubaya wowote kukaribisha sekta binafsi kushiriki katika mikutano sambamba na mkutano wa Umoja wa Mtaifa. Alisema viwanda vimepewa nafasi ya kushiriki kwa njia ileile ambayo mashirika yasiyokuwa ya kiserikali yanashiriki, akiongeza kuwa mazungumzo hayo yamekuwa muhimu kwa mazungumzo ya baadaye tangu COPs ilipoanza. "Inatubidi kuwa wawazi na wenye kushirikisha," alibainisha kwa waandishi wa habari, akiongeza kuwa mazungumzo ya Warsaw yamejengeka katika makubaliano ya kimataifa mwaka 2015 katika mkutano kwenye mji mkuu wa Ufaransa, Paris. Alisema viwanda vilipewa nafasi ya kushiriki katika COP kama ilivyo kwa mashirika yasiyokuwa ya kiserikali, akiongeza kuwa mazungumzo kama hayo yamekuwa sehemu ya COP tangu kuanza kwake. Alisema hakuna nafasi kwa viwanda kushawishi maamuzi ya COP kwasababu siyo sehemu ya mazungumzo rasmi. Mwenyekiti wa kundi la wanamazungumzo wa Afrika kutoka Swaziland, Emmanuel Dlamini, alisema kuwa pamoja na baadhi ya hatari, kuleta wafanyabiashara katika mazungumzo siyo wazo baya. "Kwa mataifa yaliyoendelea kuweza kupata fedha, wanahitaji kuhamasisha sekta ya biashara," Dlamini aliiambia IPS. Alirejea matamshi ya rais wa COP katika msisitizo kuwa wafanyabiashara hawashiriki katika mazungumzo halisi. "Lakini," alisema, "kuna hatari ya sekta binafsi kuingiza ushawishi kwenye maamuzi ya mazungumzo ya COP." Kwa Dlamini, changamoto kubwa ni kufasili kiundani ufadhili wa mabadiliko ya tabia nchi. Tangu mkutano wa Copenhagen, alisema, misaada mingi mno kuja kwenye nchi zinazoendelea imekuwa ikitajwa kama ya kufadhili mabadiliko ya tabia nchi. "Ndiyo, kumekuwepo na fedha nyingi zinazokuja, lakini ni kwa kiwango gani mabadiliko ya tabia nchi yamefadhiliwa?" alishangaa Dlamini. Akitoa mfano wa Swaziland, alisema, fedha zinazotoka Mfuko wa Maendeleo wa Umoja wa Ulaya kwa ajili ya kupunguza umaskini kwa sasa zinaonekana kama zinafadhili mabadiliko ya tabia nchi. "Tunahitaji mfuko unaoeleweka wa mabadiliko ya tabia nchi kama ilivyo kwa GCF," alisema Dlamini. Meena Raman, kutoka katika kikundi cha waangalizi cha Mtandao wa Dunia ya Tatu, anasema kukamilisha kuanzisha Mfuko wa Hali ya Hewa ya Kijani (Green Climate Fund) kutasaidia kwasababu ni msaada ambao utatolewa moja kwa moja kwa nchi maskini. Kwa sasa ukiwa na makao yake katika Korea Kusini, na kuwa na fedha za uendeshaji dola milioni saba tu, Mfuko huo wa kijani hauna hata senti moja ya kuendesha miradi. "Hapo ndipo mataifa yanayoendelea yanasema dola bilioni 100 zipelekwe kwenye mfuko huo, jambo ambalo bado linajadiliwa," alisema Raman. (END/2014)

 

 








 Latest News from Africa
News in RSS
OPINION: Keeping All Girls in School is One Way to Curb Child Marriage in Tanzania
OPINION: Ebola, Human Rights and Poverty – Making the Links
Zimbabwe’s Rich Fuel Inequality Through Illicit Financial Flows
OPINION: Renewable Energies – a Double-Edged Sword
Sustaining Africa’s Development by Leveraging on Climate Change
Despite Media, Rightwing Ebola Hype, U.S. Public Resists Total Panic
Ebola Outbreak Threatens Food Crisis in West Africa
Ethiopia Moves in Right Direction with Climate Change Response But Challenges Remain
Warmer Days a Catastrophe in the Making for Kenya’s Pastoralists
Writing the Final Chapter on AIDS
More >>
  Dernières Nouvelles
News in RSS
OPINION: Keeping All Girls in School is One Way to Curb Child Marriage in Tanzania
OPINION: Ebola, Human Rights and Poverty – Making the Links
Zimbabwe’s Rich Fuel Inequality Through Illicit Financial Flows
OPINION: Renewable Energies – a Double-Edged Sword
Sustaining Africa’s Development by Leveraging on Climate Change
A lire également>>